Оваа сабота, 14 ноември 2026, Градскиот парк „Школка“ станува место за домашна храна и традиција. „Саем за храна 2026“ ги собира локалните производители на едно место: домашен леб, мед, ајвар, сирење, суво месо, ракија и, се разбира, вино.
Со задоволство ќе бидеме дел од саемот и ќе ја претставиме Семејна Винарија Мешкови од Кавадарци. На нашиот штанд ќе можете да ги пробате нашите вина, меѓу кои и Вранецот што освои сребрен медал на Wine Vision во Белград и во 2025 и во 2026 година, и да дознаете повеќе за тоа како ги правиме, од лозјето до шишето.
Саемот се одржува под мотото „Вкуси ја традицијата“, со поддршка на Министерството за земјоделство, шумарство и водостопанство и Здружението „Ж'ТА“.
За нас, секоја средба со луѓето што ја ценат домашната храна и доброто вино е можност да споделиме дел од она што го создаваме. Поминете, пробајте и раскажете ни како ви се допаѓа.
Се гледаме во сабота!
📍 Градски парк „Школка“
📅 14 ноември 2026
🕙 Почеток: 10:00 часот
0 Коментари
Сè уште нема коментари. Бидете први кои ќе споделат мислење.